Yeniyetmə və gənclər dünya çempionatına yola düşdülər

ESTAFET/ Yeniyetmə və gənclərdən ibarət milli komandamız 23-27 oktyabr tarixlərində Çilinin paytaxtı Santyaqo şəhərində XI dünya çempionatında iştirak edəcək. 

Milli koamndanın heyətinə Azərbaycan Milli Karate Federasiyasının prezidenti Yaşar Bəşirovun rəhbərlik edəcək. Kumite üzrə baş məşqçi Anar Allahverdiyev və qadınların baş məşqçisi Denis Morozov, həmçinin kata üzrə baş məşqçi Vahid Ayvazov mötəbər yarışda 14 idmançının mübarizə aparmasına üstünlük verib.  

14-15 yaşlı yeniyetmələrdə Ramil Baxşəliyev (52 kq) və Rumil Cəfərli (57 kq), 16-17 yaşlı gənclər arasında Sultan Hüseynov (55 kq), Hüseyn Məmmədli (61 kq), Tale Yaqubov (68 kq), Hüseyn Hüseynzadə (76 kq), Namiq Quliyev (+76 kq), Polina Qurenko (53 kq), Ayla Rzazadə (59 kq) və Fidan Dadaşova (48 kq), 21 yaşadək gənclərin yarışında isə Hümmət Baxşəliyev (67 kq), Murad Hacızadə (+84 kq) və Fidan Teymurova (50 kq) çıxış edəcək. Roman Heydərov bu yaş dərəcəsinin kata yarışlarına qatılacaq. 

Dünya çempionatını idarə etmək üçün beynəlxalq hakimlər Cahangir Babayev və Vüqar Kərimov, eləcə də Media və İcitamiyyətlə İşlər katibi Sənan Məhərrəmov heyətlə birgə Çiliyə ezam olunub. Yeniyetmə və gənclərin XI dünya çempionatında 96 ölkədən 1557 idmançı mübarizə aparacaq.

Müəllif: Natiq NƏSİROV