Taekvondoçularımızdan Türkiyədə 6 medal

ESTAFET/ Türkiyənin İstanbul şəhərində taekvondo üzrə “Turkish Open” turniri keçirilib. G1 kateqoriyalı yarışda Azərbaycan yığması 3 qızıl və 3 bürünc medal qazanıb.

Milli üzvlərindən Cavad Ağayev (68 kq), Milad Beiqi Harçeqani (80 kq) və Fəridə Əzizova (67 kq) bütün rəqiblərinə qalib gələrək, fəxri kürsünün ən yüksək pilləsinə qalxıblar.

Onlardan fərqli, yarımfinalda məğlub olan Məhəmməd Məmmədov (80 kq), Payam Qobadi Oğaz (87 kq) və Radik İsayev (87 kq yuxarı) isə bürünc medalla kifayətləniblər.

Müəllif: Orxan NOVRUZOV