Berlin marafonu tarixində ilk dəfə ləğv olundu

ESTAFET/ Atletika üzrə nüfuzlu Berlin marafonu ləğv edilib. Almaniyadakı yarışın təşkilatçıları koronavirus pandemiyası üzündən bu ilki marafonu keçirməməyə qərar verib.

İştirakçıların sağlamlığı daha üstün tutulduğundan marafon ləğv edilib. 46 ildir təşkil olunan yarış tarixində ilk dəfə keçirilməyəcək.

Qeyd edək ki, Berlin marafonu sentyabrın 26-27-nə planlaşdırılmışdı. Bunadək ABŞ-da keçirilən Boston və Nyu-York marafonları da ləğv olunub.

Müəllif: Bəhruz MƏMMƏDOV