ESTAFET/ İspaniya Kral Kubokunda mübarizəni erkən dayandıran “Real” baş məşqçi dəyişikliyinə əl atmağı planlaşdırır. Zinəddin Zidanın fəaliyyətindən razı qalmayan rəhbərlik alternativ axtarışına başlayıb.

Fransalı mütəxəssisi əvəz etməyə ilk namizəd artıq müəyyənləşib. “Kral klubu” bu posta “River Pleyt”in çalışdırıcısı Marselo Qalyardonu gətirməyi düşünür. Xüsusən də, klub prezidenti Florentino Peres argentinalı mütəxəssisin iş prinsipini bəyənir. Onun tezliklə 45 yaşlı məşqçi ilə danışığa başlaması gözlənilir.

Qeyd edək ki, Marselo Qalyardo 2014-cü ildən “River Pleyt”ə rəhbərlik edir. (apasport.az)