ESTAFET/ Bakı 2017 IV İslam Həmrəyliyi Oyunlarında bu gün daha bir idman növündə mübarizə yekunlaşır. Belə ki, qadınlardan ibarət voleybol yığmaları bu gün keçiriləcək iki görüşlə mükafatçıları müəyyənləşdirəcəklər. 

İlk olaraq, Kristal Zalın 1-ci meydançasında  Tacikistan və Qırğızıstan yığmaları bürünc medal üçün qarşılaşıblar. Görüşü 3:0 (25:10, 25:12, 25:16) hesablı qələbə ilə başa vuran qırğız qızları İslamiadanın bürünc medallarına sahib olublar. 

Günün son oyununda - finalda Azərbaycan və Türkiyə milliləri İslamiadanın ən güclüsü adı uğrunda meydana çıxıblar. Gərgin keçən görüşü yekunda 3:1 (25:14, 23:25, 25:20, 25:21) hesabı ilə voleybol yığmamız öz xeyrinə başa çatdırıb və azarkeşləri çempionluqla sevindiriblər.