ESTAFET/ Bu gün Bakı 2017 IV İslam Həmrəyliyi Oyunlarında daha bir yarış müsabiqəsində mübarizəyə yekun vurulub. Belə ki, kişi voleybolçular arasında gedən yarışlarda artıq medal görüşləri keçirilib. 

İlk olaraq Əlcəzair və Türkiyə yığmaları Oyunların bürünc medalları uğrunda qarşılaşıblar. İlk seti 25:22 hesabı ilə öz xeyirlərinə başa vuran qardaş ölkə təmsilçiləri bunun ardını gətirə bilməyiblər - ardıcıl üç setdə qalib gələn (25:22, 25:18, 25:22) Əlzəzair komandası 3:1 hesablı qələbə ilə İslamiadanı bürünc medalla başa vurub.

Finalda voleybolçularımızın rəqibi İran yığması olub. Hər 3 setdə üstün oyun göstərən iranlılar Oyunların qızıl medallarına sahib çıxıblar.