ESTAFET/ 2018-ci ildə keçiriləcək kişi voleybolçular arasında Dünya Çempionatının zona üzrə seçmə yarışları başlayıb. Bu gün millimizin də yer aldığı A qrupunun oyunlarına Fransada strat veriləcək. Qrupda meydan sahibləri ilə yanaşı Azərbaycan, Türkiyə, Ukrayna, Almaniya və İslandiya komandaları yer alıb.

İlk oyununda yığmamız qardaş ölkə Türkiyə yığması ilə üz-üzə gəlib. Lion İdman Sarayında Bakı vaxtı ilə saat 17:00-da başlayan oyun Türkiyə yığmasının qələbəsilə başa çatıb. Ay-ulduzlular hər 3 seti də qalib başa vurmaqda çətinlik çəkməyiblər - 25:21, 25:21, 25:13.

Qrupun digər qarşılaşmalarında meydan sahibləri İslandiyanı, Almaniya isə Ukraynanı sınağa çəkəcək.

Qeyd edək ki, 2018-ci ildə Dünya Çempionatının final mərhələsinə İtaliya və Bolqarıstan birlikdə ev sahibliyi edəcək.