ESTAFET/ Xəbər verdiyimiz kimi, 2018-ci ildə keçiriləcək kişi voleybolçular arasında Dünya Çempionatının zona üzrə seçmə yarışları başlayıb. Millimizin də yer aldığı Avropa üzrə A qrupunun oyunlarına Fransada strat verilib. Qrupda meydan sahibləri ilə yanaşı Azərbaycan, Türkiyə, Ukrayna, Almaniya və İslandiya komandaları yer alır.

Yığmamızın ilk oyunda Türkiyə voleybolçularına 0:3 məğlub olduqları haqda məumat vermişdik. 

Qrupun digər qarşılaşmalarında meydan sahibləri İslandiyanı, Almaniya isə Ukraynanı sınağa çəkib. Gözlənildiyi kimi, hər iki görüş favoritlərin qələbəsi ilə başa çatıb. 

Almaniya - Ukrayna 3:0 (25:16, 25:20, 25:19)

Fransa - İslandiya 3:0 (25:8, 25:8, 25:14)

Qeyd edək ki, 2018-ci ildə Dünya Çempionatının final mərhələsinə İtaliya və Bolqarıstan birlikdə ev sahibliyi edəcək.