Xavinin istəyi
ESTAFET/ “Barselona”nın yarımmüdafiə xəttinə gətirmək istədiyi futbolçu bəlli olub. İspaniya klubunun baş məşqçisi Xavi portuqaliyalı Bernardo Silvanı sərəncamında görmək istəyir.
27 yaşlı futbolçu La Liqa təmsilçisinin əsas transfer hədəfinə çevrilib. Xavi “Mançester Siti”nin üzvünün onun bütün tələblərinə cavab verdiyi qənaətindədir. Bernardo da Premyer Liqanı tərk etməyin əleyhinə deyil. O, ailəsinə yaxın olmaq üçün Pireneyə qayıtmaq niyyətindədir.
Qeyd edək ki, Bernardo 2017-ci ildə “Monako”dan “Mançester Siti”yə 50 milyon avroya transfer olunub.
