ESTAFET/ Qadınlar arasında 2018-ci il Dünya Çempionatı üçün seçmə oyunları davam edir. Yığmamızın da yer aldığı və paytaxtımızda keçirilən Avropa zonası üzrə E qrupunun oyunlarında bu gün son tur oynanılacaq. Bakı İdman Sarayında keçirilən qrup oyunlarında yığmamızla yanaşı Ukrayna, Hollandiya, Danimarka, Norveç və İsrail komandaları da DÇ-yə birbaşa vəsiqə uğrunda mübarizə aparırdılar.

Artıq növbəti mərhələyə yüksələn 2 komandanın adına aydınlıq gəlib. Yığmamızla yanaşı hollandlar da növbəti mərhələni özləri üçün təmin ediblər. Bu iki komandanın bu gün öz aralarında keçirdikləri qarşılaşma böyük əhəmiyyət kəsb edirdi. Belə ki, qalib gələn tərəf Dünya çempionatının final mərhələsinə vəsiqəni birbaşa təmin edirdi. Məğlub olan tərəf isə bu vəsiqə üçün qrup ikinciləri ilə birlikdə play-offda mübarizə aparacaqdı. Komandamız gözəl oyunla məsələni birdəfəlik həll edərək şansını play-offa saxlamadı 

Sonuncu turun oyunlarını və nəticələrini təqdim edirik.  

15:00 İsrail - Norveç 3:1 (25:19, 15:25, 25:17, 25:15)

17:30 Azərbaycan - Hollandiya 3:0 (30:28, 25:22, 25:13) 

20:00 Ukrayna - Danimarka 3:0 (25:14, 25:18, 25:16)