ESTAFET/ Futtennis üzrə 1-ci Azərbaycan Kubokunun püşkü atılıb. Bununla əlaqədar baş tutan tədbirdə, Azərbaycan Futnet Assosiasiyasının rəsmiləri və klubların nümayəndələri iştirak etdi. Çıxış edənlər futtennisin ölkəmizdə inkişaf mərhələsinə qədəm qoyması üçün, ölkə kuboku uğrunda yarışın böyük əhəmiyyət kəsb etdiyini vurğuladı.

Ölkə kuboku uğrunda yarışda mübarizə aparacaq komandaların rəsmilərinə geniş məlumat verildikdən sonra, püşkatmaya start verildi. Qrupların tərkibi müəyyən edildikdən sonra klub nümayəndələrinə bu idman növünün qaydaları ilə bağlı seminar keçirildi.

Qeyd edək ki, hərəsində 5 komanda olmaqla, iki qrupda yarışacaq klublar ilk 4 sıranı əldə edəcəkləri təqdirdə ¼ final mərhələsinə vəsiqə əldə edəcəklər. Müvafiq olaraq A və B qrupunda çıxış edəcək kollektivlər oyunlarını Daxili İşlər Nazirliyinin "Dinamo" İdman Cəmiyyətinin zalında keçirəcək. Aşağıda sizləri püşkatmanın nəticələri ilə tanış edirik:

A qrupu: Yasamal, Xəmsəfans-Gəncə, Atletiko, Hell Energy, Qatar

B qrupu: Yeni Günəşli, Baku Fire, Marafon, Veteranlar, Neftçi

Görüşlər 17 iyunda saat 15:00-dan etibarən keçiriləcək.