ESTAFET/ Bu gün dünya çempionatında mübarizəyə başlayan Olimpiya çempionumuz Radik İsayev (+87 kq) ilk döyüşündə Mərakeşli Ayoud Basselə (24:8), ikinci döyüşdə Çin təmsilçisi Jian Tiana qalib gəlib (16:11). Yarımfinala vəsiqə uğrunda qarşılaşmada Qabon taekvondoçu Antoni Obameyə 13:15 hesabı ilə məğlub olan İsayev çempionatda çıxışına son verib.

Ramin Əzizov (-87 kq) da ilk rəqibi Valbek Defaixə (Fransa Polineziya) şans verməyib (15:3). Yassin Trabelsiyə (TUN) qalib gələn Əzizov (10:9) yarımfinal mərhələsi uğrunda döyüşdən Serbiyalı İvan Trajkovicə məğlub olaraq (15:22) yarışı başa vurdu.

Sabah kişi taekvondoçularımızdan Məhəmməd Məmmədov (-63 kq), qadınlardan isə Yaprak Eriş (-57 kq) mübarizə aparacaq.