ESTAFET/ Akrobatlarımız Pavlodarda (Qazaxıstan) beynəlxalq yarışda bürünc medal qazanıblar.

23-28 iyun tarixlərində təşkil olunmuş beynəlxalq yarışda ümumilikdə 7 ölkədən iştirakçılar öz çıxışlarını nümayiş etdiriblər. Ölkəmizi bu turnirdə Dünya Yaş Qrupu Yarışlarının gümüş mükafatçıları Seymur Cəfərov və Murad Əkbərov cütlüyü təmsil edib. Final mərhələsində onların maraqlı və çətin elementlərdən ibarət çıxışı səhvsiz ötüşməyib. Məhz buna görə də gimnastlarımız 3-cü yerlə (82.520) kifayətlənməli olublar.

Qızıl və gümüş medalı isə müvafiq olaraq Qazaxıstan və Özbəkistan təmsilçiləri əldə ediblər.