Milli Paralimpiya Komitəsinin komanda və nümayəndə heyəti 18-27 avqust 2023-cü il tarixlərində Böyük Britaniyanın Birminqem şəhərində IBSA Dünya Oyunlarında iştirak edəcək. Milli Paralimpiya Komitəsinin prezidenti İlqar Rəhimovun müvafiq əmri ilə nümayəndə heyətinin missiya rəhbəri idman şöbəsinin baş mütəxəssisi Rüfət Rəhimov təyin olunub.

Paris 2024 XVII Yay Paralimpiya Oyunlarına reytinq xalları qazandıran yarışlarda ölkəmiz ümumilikdə 20 idmançı ilə təmsil olunacaq. İdmançılar cüdo (16 idmançı) və şahmat (4 idmançı) növlərində öz güclərini sınayacaqlar. Qeyd edək ki, reytinq xalları Paris 2024 Yay Paralimpiya Oyunlarının proqramına daxil edilmiş cüdo idman növünə şamil olunur.