ESTAFET/ NBA-nın güclü komandalarından olan "Los Anceles Klippers"in forfardı Bleyk Qriffin komanda yoldaşı Kris Polun komandadan getməsinə baxmayaraq, qaldığını və müqaviləsini uzatdığını bildirib.

"Mən şübhə belə etmirdim. Bura mənim karyeramı başladığım və bitirmək istədiyim yerdi. Bu həm mən, həm də "Klippers" üçün yeni başlanğıc, yeni mövsümdür. Heç vaxt belə imkan üçün bu qədər həvəslənməmişdim. Gözlənilir ki, komandadakı rolum nisbətən dəyişəcək. Həmçinin bizə çox kömək olacaq. Komandanın imkanları və sürəti sevindiricidi. Biz hücuma sürətli keçid, topun daim hərəkətdə olması və sərbəst zonaya çıxış üçün çalışırıq."