ESTAFET/ Azərbaycanla Gürcüstanın birgə ev sahibliyi etdiyi voleybol üzrə qadınlar arasında Avropa çempionatının biletləri artıq satışa çıxarılıb.

Voleybol həvəskarları qiyməti 3-5 manat arasında dəyişən biletləri ASAN-1, ASAN-2, ASAN-3, ASAN-4, ASAN-Sumqayıt, Heydər Əliyev Sarayında, Nizami küçəsi və Bülbül prospektinin kəsişməsində, "Azərbaycan" kinoteatrının və Hökümət Evinin yanında, “28 Mall” və "Gənclik Mall"da yerləşən "iTickets" köşklərindən əldə edə bilərlər. Bir adam ən çox 10 bilet ala bilər.

Açılış matçı, yarımfinal və medallar uğrunda keçiriləcək oyunların biletləri 5 manat olacaq. 

Xatırladaq ki, Avropa Çempionatı 22 sentyabr - 1 oktyabr tarixlərində keçiriləcək.