"QARABAĞ" HAZIRLIĞI YEKUNLAŞDIRIR
ESTAFET/ Çempionlar Liqasının III təsnifat mərhələsinin cavab matçları çərçivəsində "Qarabağ" sabah səfərdə Moldovanın "Şerif" klubunun qonağı olacaq.
Bu gün Bakı vaxtıyla saat 20:30-da Qurban Qurbanovun mətbuat konfransı keçiriləcək. Bakı vaxtıyla saat 21:00-da isə komanda qarşılaşmanın keçiriləcəyi "Şerif Arena"da oyunöncəsi son məşqinə çıxacaq. Məşqin ilk on beş dəqiqəsi mətbuat və azarkeşlər üçün açıq olacaq.
Qeyd edək ki, "Şerif” - "Qarabağ" matçı sabah saat 21:00-da start götürəcək.
