ESTAFET/ Ukraynanın ən güclü tennisçisi Elina Svitolina Torontoda (Kanada) keçirilən turnirin yarımfinal görüşündə güclü rumın tennisçi, dünya reytinqində 2-ci sırada qərarlaşan Simona Halepi korta çıxmağa peşman edib.

56 dəqiqə davam edən görüş boyu aşkar üstün oyun sərgiləyən Svitolina hər setdə Halepə cəmi 1 qeym verib və görüşü 2:0 (6:1, 6:1) hesabı ilə yekunlaşdıraraq finala adlayıb.

Svitolinanın bu gün axşam Bakı vaxtı ilə saat 21:30-da keçirilməsi planlaşdırılan final görüşündəki rəqibi dünya reytinqində 6-cı olan Karolina Voznyatskidir (Danimarka). Karolina digər yarımfinal cütündə ABŞ təmsilçisi Sloan Stivensi məğlub edib - 2:0 (6:2, 6:3).