UNIVERSİADADA İKİNCİ MEDAL BÜRÜNC OLDU
ESTAFET/ Xəbər verdiyimiz kimi, Taypey şəhərində Yay Universiada Oyunları davam edir. Bu gün Universiadasında cüdo yarışları davam edir.
90 kq çəki dərəcəsində mübarizə aparan Firudin Dadaşov Oyunların bürünc medalını qazanıb. Ardıcıl olaraq Pinzon Bahamon (Kolumbiya) və Nikolas Munqayı (İtaliya) məğlub edən Firudin yapon Şoiçiro Mukaiyə məğlub olub. Ardınca təsəlliverici görüşlərə qatılan cüdoçumuz Jiri Pyotr (Çexiya) və Devis Duda (Latviya) üzərində qələbələr sayəsində bürünc medal uğrunda tatamiyə çıxmaq şansı qazanıb və bundan maksimum istifadə edib. Belə ki, qazax Sunqat Zakariyayevə qalib gələn Firudin oyunları medalla bitirib komandamıza ikinci medalı qazandırıb.
Xatırladaq ki, Oyunların ilk günü digər cüdoçumuz Zelim Kostoyev bütün rəqiblərinə qalib gələrək qızıl medal qazanmışdı.
