"QARABAĞ" ARTIQ DANİMARKADADIR
ESTAFET/ Bu gün Azərbaycanın Avrokuboklardakı yeganə təmsilçisi "Qarabağ" saat 17:50-də Bakı-Kopenhagen reysiylə Danimarkaya yollanıb. Komandamız 5 saatlıq yolçuluqdan sonra Kopenhagen şəhərinə çatıb və artıq qalacağı otelə yerləşib.
Qeyd edək ki, "Qarabağ" Çempionlar Liqasının Play-off mərhələsinin cavab matçında avqustun 23-də səfərdə "Kopenhagen"in qonağı olacaq. Qarşılaşma Bakı vaxtıyla saat 22:45-də start götürəcək. Bakıda keçirilən ilk görüşdən çempionumuz 1:0 hesablı qələbə ilə ayrılmışdı.
