ESTAFET/ "Qarabağ" Çempionlar Liqasının qrup mərhələsinin ilk oyununda qarşılaşacağı "Çelsi" ilə matçın hazırlıqlarını davam etdirir. Bu gün axşam məşqindən öncə komandanın düşərgəsində sürpriz ziyarət baş tutub. Klubun prezidenti Abdolbari Gözəl komandanı ziyarət edib. Məşqdən öncə futbolçularla tək-tək görüşən klub prezidenti onlarla da yaxından maraqlanıb. Daha sonra prezident Çempionlar Liqasında qazanılan uğurun mahiyyətindən danışıb və futbolçulara öz təşəkkürünü bildirib. Bu tarixi uğurun Azərbaycan xalqının, xüsusi ilə də məcburi köçkünlərimizin qəlbinə sevinc nəsib etdiyi vurğulayıb.