25 yanvarda Belçikanın Vise şəhərində keçirilən beynəlxalq Belçika Açıq Cüdo turnirinin ilk yarış günündə Azərbaycan cüdoçuları 1 qızıl, 2 gümüş və 1 bürünc medal qazanıb.

Yarışın ilk günündə kişilər arasında 4 çəki dərəsində 9 cüdoçumuz medallar uğrunda mübarizə aparıb.

-60 kq. çəkidə Murad Muradlı bütün rəqiblərinə qalib gələrək fəxri kürsünün ən yüksək pilləsinə qalxıb.

-73 kq çəkidə Qadir Hüseynov gümüş, İbrahim Əliyev isə bürünc medal əldə edib. Eyni çəkidə çıxış edən Nəriman Mirzəyev 7-ci yerlə kifayətlənib.

+100 kq çəkidə İmran Yusifov gümüş medal qazanıb. Camal Qamzatxanov və Camal Feyziyev isə 5-ci yerdə qərarlaşıb.