7-9 fevral tarixlərində  Polşanın Bielsko-Biala şəhərində  karate (WKF / idman karatesi) üzrə yeniyetmə, gənclər və U21 yaş kateqoriyalarının 52-ci Avropa çempionatı başa çatıb.

Azərbaycan Karate Federasiyasının mətbuat xidmətinin məlumatına görə, idmançılarımız nüfuzlu yarışdan 3 medalla dönür.

Azərbaycan milli komandası bir gümüş, iki bürünc medala sahib olub.

Milli komanda üzvlərindən  Ələddin Məlikov (16-17 yaş / -68 kq) gümüş mükafata,  Vüsal Qənbərov (14-15 yaş / -52 kq)  və Əliəşrəf Qafarov (14-15 yaş / -57 kq)  bürünc medallara yiyələnib.

Qeyd edək ki, milli komamdamız yarışa Gənclər və İdman Nazirliyinin məsul əməkdaşı Fəqan Səfərovun,  Azərbaycan Karate Federasiyasının  vitse-prezidenti Rəhman Hətəmov və baş katib Qabil Sayadovun rəhbərliyi altında yollanmışdır.