Sloveniya ilk titulunu qazandı
ESTAFET/ İstanbul (Türkiyə), Helsinki (Finlandiya), Kluj-Napoka (Rumıniya) və Tel-Əviv (İsrail) şəhərlərində keçirilən kişilər arasında basketbol üzrə Avropa çempionatının (Eurobasket) qalibi və mükafatçıları müəyyənləşib.
Xəbər verdiyimiz kimi, finalda Sloveniya və Serbiya yığmaları qarşılaşırdı. Tarixində ilk dəfə Eurobasketdə finala çıxan slovenlər bu şansdan maksimum yararlanıblar və görüşü 93:85 (20:22, 36:25, 15:20, 22:18) öz xeyirlərinə başa vuraraq, ilk qitə çempionluqlarını qazanıblar.
3-cü yer uğrunda isə İspaniya və Rusiya milliləri qarşılaşırdılar. Finaldakı hesab burada da qeyd olunub - 93:85 (21:13, 24:15, 21:27, 27:30) və Avropa çempionatının bürünc medalları İspaniyaya qismət olub.
