ƏLİYAR AĞAYEVƏ YENİ TƏYİNAT
ESTAFET/ Azərbaycanlı hakim Əliyar Ağayev Avropa Liqasının qrup mərhələsinin oyununa təyinat alıb. Avropa Liqasının L qrupunun oktyabrın 19-da keçiriləcək "Vardar" (Makedoniya) - "Real Sosyedad" (İspaniya) oyununu FİFA referisi Əliyar Ağayev idarə edəcək.
Oyunun yan xətt hakimləri Zeynal Zeynalov və Rza Məmmədov olacaq. Görüşdə əlavə köməkçi hakimlər funksiyasını Rəhim Həsənov və Orxan Məmmədov yerinə yetirəcək. Dördüncü hakim qismində Mübariz Haşımov təmsil olunacaq.
