“Kür” Avropa Kubokunda mübarizəyə start verir
ESTAFET/ Kişi həndbolçulardan ibarət "Kür" komandası bu gün Avropa Kuboku turnirində mübarizəyə start verəcək.
Yarışa ikinci təsnifat mərhələsindən qoşulan Azərbaycan çempionu mövsümdə ilk sınağını Macarıstan təmsilçisi "Balatonfüredi" kollektivinə qarşı keçirəcək.
"Balaton" İdman Kompleksində baş tutacaq matç Bakı vaxtı ilə saat 20:00-da başlayacaq.
Bu komandalar arasında cavab görüşü oktyabrın 19-da "AHF Arena" İdman Kompleksində reallaşacaq.
Müəllif: Natiq NƏSİROV
