ESTAFET/ Xəbər verdiyimiz kimi, Antalyada (Türkiyə) gənc boksçular arasında Avropa çempionatı davam edir. 

Bu gün çempionatda 2-ci döyüş günü idi və təmsilçilərimizdən 3-ü bu gün rinqə çıxıb. 

52 kq çəki dərəcəsində mübarizə aparan Amid Əlizadə irland boksçu Davey Oliver Coys ilə gərgin keçən döyüşün yekununda minimal hesablı məğlibiyyətlə barışmalı olub - 2:3. 

69 kq çəki dərəcəsində döyüşən Nicat Həsənov isə italiyalı Auqusto Buremi üzərində 4:1 hesablı qələbə qazanaraq 1/4 final mərhələsinə adlayıb. 

91 kq çəkidəki boksçumuz İsmayıl Yaqubov da adını 1/4 finala yazdırmağı bacarıb. O buna çex Karel Adam üzərində qazandığı 5:0 hesablı qələbə ilə nail olub. 

Sabah daha 4 boksçumuz - Orxan Həsənov (56 kq), Amin Kuşxov (75 kq), Sürət Qarayev (81 kq) və Məhəmməd Abdullayev (+91 kq) rinqə çıxacaq.