Amin gümüşdə qaldı, Məhəmməd Avropa çempionudur: GAÇ-2017
ESTAFET/ Bugün Türkiyənin Antalya şəhərində gənc boksçular arasında keçirilən Avropa çempionatına yekun vurulur. Belə ki, çempionatda artıq final döyüşləri keçirilir. Xəbər verdiyimiz kimi, Azərbaycan bu mərhələdə 2 boksçu ilə təmsil olunur.
Təmsilçilərimizdən ilk olaraq rinqə Amin Kuşxov (75 kq) çıxıb. Aminin rəqibi rus boksçu Daniil Teterev idi. Gərgin keçən görüşdə hər raundun taleyini minimal xal həll edib və yekunda Amin 1:4 (28:29, 28:29, 28:29, 29:28, 28:29) hesabı ilə məğlub olub.
Finaldakı digər boksçumuz Məhmməd Abdullayevin (+91 kq) rəqibi erməni əsilli yerli boksçu Vakqan Nanitzanyan idi. Bütün raudları üstün döyüş sərgiləyən boksçumuz 4:1 hesabı ilə qalib gələrək Avropa çempionu tituluna yiyələnib.
