2-Cİ TUR İLK TURUN ƏKSİ OLDU: KAÇ-2017, II TUR
ESTAFET/ Xəbər verdiyimiz kimi, Yunanıstanın Krit adasında şahmat üzrə komandalararası Avropa Çempionatına start verilib. Azərbaycanın həm kişilər, həm də qadınlar arasında mübarizə aparacağı yarış noyabrın 6-dək davam edəcək.
Bu gün çempionatda ikinci turun oyunları keçirilir. İlk turda gözlənilmədən İtaliyayaya məğlub olan kişilərdən ibarət yığmamız bu tur Avstriya yığması ilə qarşılaşıb. Teymur Rəcəbovun istirahət etdiyi turda şahmatçılarımız rəqibinə quru hesabla qalib gəlib.
Qadın yığmamız isə bu tur qələbə qazana bilməyib. Macarlarla görüşdə Günayın qələbəsi və Gülnarın bərabərliyinin ardı gəlməyib - Zeynəb və Ülviyyənin məğlubiyyəti komandamıza xal itkisi yaşadıb.
KAÇ-2017: KİŞİLƏR, II TUR
Azərbaycan - Avstriya 4:0
Şəhriyar Məmmədyarov (2607) - Markus Ragger (2659) 1:0
Arkadiy Naydiç (2702) - David Şengeliya (2556) 1:0
Rauf Məmmədov (2678) - Valentin Draqnev (2466) 1:0
Qədir Hüseynov (2647) - Andreas Diermayr (2488) 1:0
KAÇ-2017: QADINLAR, II TUR
Azərbaycan - Macarıstan 1,5:2,5
Günay Məmmədzadə (2393) - Tanq Tran Hoanq (2438) 1:0
Zeynəb Məmmədyarova (2298) - Szidoniya Vajda (2364) 0:1
Ülviyyə Fətəliyeva (2348) - Petra Papp (2326) 0:1
Gülnar Məmmədova (2385) - Anita Qara (2382) 0,5:0,5
