ESTAFET/ 2018-ci ildə Rusiyada keçiriləcək futbol üzrə Dünya çempionatının final mərhələsində iştirak edəcək 32 komandadan artıq 30-u artıq məlumdu. Xəbər verdiyimiz kimi, Avropa qitəsindən sonuncu vəsiqənin sahibi ötən gün Danimarka millisi olmuşdu. 

Mundiala zonalar üzrə vəsiqə qazanan komandalar:
Avropa: Rusiya (təşkilatçı ölkə), Almaniya, Belçika, İngiltərə, İslandiya, İspaniya, Polşa, Portuqaliya, Serbiya, Fransa, İsveçrə, Xorvatiya, İsveç, Danimarka

Cənubi Amerika: Braziliya, Kolumbiya, Uruqvay, Argentina
Asiya: İran, Yaponiya, Cənubi Koreya, Səudiyyə Ərəbistanı
Afrika: Nigeriya, Misir, Seneqal, Mərakeş, Tunis
KONKAKAF: Meksika, Kosta-Rika, Panama 

Mundialın son iki xoşbəxtinin adına isə Avstraliya - Honduras və Peru - Yeni Zelandiya oyunlarından sonra aydınlıq gələcək. Qeyd edək ki, hər iki cütdə ilk qarşılaşma qolsuz bərabərliklə yekunlaşmışdı.