Qadınların mübarizəsində 7-ci turun oyunları baş tutub
ESTAFET/ Bu gün qadın həndbolçuların sayca 25-ci olan Azərbaycan çempionatında 7-ci turun görüşləri keçirilib.
ABU Arenada ilk olaraq meydana Mingəçevirin "Nur" komandası ilə "İdman Akademiyası" çıxıb. Görüş son ölkə çempionunun 36:20 hesablı qələbəsi ilə yekunlaşıb.
Daha sonra meydana çıxan "Azəryol" çempionatın autsayderi "Gənclər Birliyi"ni peşman edib - 38:17.
Günün son, turun mərkəzi görüşündə "Qarabağ" komandası "Azərsu" ilə qarşılaşırdı. Gərgin idman mübarizəsi şəraitində keçən qarşılaşmada qalibi müəyyən etmək mümkün olmayıb - 23:23.
Həndbol üzrə Azərbaycan çempionatı - Qadınlar
| № | Komandalar | O | Q | B | M | T - F | X |
| 1 | Azəryol | 7 | 6 | 0 | 1 | 231 - 152 | 12 |
| 2 | Azərsu | 7 | 5 | 1 | 1 | 232 - 153 | 11 |
| 3 | Nur | 7 | 4 | 0 | 3 | 234 - 168 | 8 |
| 4 | Qarabağ | 7 | 3 | 1 | 3 | 190 - 174 | 7 |
| 5 | İdman Akademiyası | 7 | 1 | 0 | 6 | 147 - 243 | 2 |
| 6 | Gənclərbirliyi | 7 | 1 | 0 | 6 | 151 - 262 | 2 |
