ESTAFET/ Hazırlığını Antalyada davam etdirən “Neftçi” Türkiyə toplanışı çərçivəsində bu gün ilk yoxlama matçına çıxıb. “Ağ-qaralar” “SKA-Xabarovsk”la üz-üzə gəliblər.

Rusiya Premyer Liqasının sonuncu pilləsində qərarlaşan klub ilə qarşılaşma təmsilçimiz üçün uğursuz nəticələnib. Belə ki, ilk 10 dəqiqədə qapısında 3 cavabsız top görən Tərlan Əhmədovun yetirmələri fasiləyə 0:6 hesabı ilə geridə yollanıblar.

Rəqib ikinci hissəyə də qolla başlayıb. Matçın sonlarında isə komandalar hərəyə bir dəfə fərqləniblər və yekunda Rusiya klubu 8:1 hesablı qalibiyyətə sevinib.

Yoxlama oyunu

22 yanvar

“Neftçi” - “SKA-Xabarovsk” (Rusiya)  1:8

"Neftçi"nin start heyəti: Rəşad Əzizli, Ruslan Abışov (k), Kirilo Petrov, İlkin Qırtımov, Məhəmməd Mirzəbəyov, Derlis Meza Kolli, Emin Mahmudov, Elnur Süleymanov, Rəhman Hacıyev, Fransisko Qarsia, Mirabdulla Abbasov

Ehtiyat oyunçular: Aqil Məmmədov, Elçin Əsədov, Fərid Abbaslı, İqnasio Errera, Roxdi Axente, İqor Sikorski.