ESTAFET/ Antalyada hazırlıqları davam etdirən “Sumqayıt” bu gün ikinci yoxlama matçını keçirib. “Gənclik şəhəri”nin təmsilçiləri Makedoniyanın “Akademiya Pandev” komandası ilə qarşılaşıb.

2010-cu ildə məşhur futbolçu Qoran Pandev tərəfindən yaradılan komanda ötən mövsüm Makedoniya 2-ci liqasında 1-ci yer tutaraq əsas liqaya vəsiqə qazanıb. Hazırda Pançe Stoyanovun baş məşqçisi olduğu komanda Makedoniya əsas liqasında 4-cü yerdə qərarlaşıb.

Görüş 1:1 hesablı bərabərliklə yekunlaşıb. "Sumqayıt"ın heyətində Vurğun Hüseynov fərqlənib.

Yoxlama oyunu

28 yanvar 2018

“Sumqayıt” - “Akademiya Pandev”  1:1

Qollar: Vurğun Hüseynov 30 : Aleksandr Mişov 44

Manavqat Atatürk stadionu

“Sumqayıt”: 23. Mehdi Cənnətov, 2. Rail Məlikov, 3. Vurğun Hüseynov, 6. Kamal Mirzəyev, 7. Cavid Tağıyev, 9. Amil Yunanov, 14. Bəxtiyar Həsənalızadə, 17. Nicat Qurbanov, 18. Tural Axundov, 19. Azər Salahlı, 97. Xəyal Nəcəfov

Ehtiyat oyunçular: 1. Fərhad Vəliyev, 36. Süleyman Süleymanov, 11. Ehtiram Şahverdiyev, 20. Rüfət Abdullazadə, 39. Tural Bayramlı, 70. Ülvi İsgəndərov

Baş məşqçi: Samir Abasov 

Qeyd edək ki, “kimyaçılar” ilk yoxlama oyununda Rumıniya “Konkordiya”sına 0:1 hesabı ilə məğlub olmuşdular.