Meza Kolli "Keşlə"də -

ESTAFET/ Antalyada təlim-məşq toplanışında olan "Keşlə" heyətinə yeni oyunçu cəlb edib.

Klubdan qol.az-a verilən məlumata görə, iki gündür komandaya qoşulan Sezar Meza Kollinin durumu məşqçilər korpusu tərəfindən bəyənilib.

Onunla mövsümün sonuna qədər müqavilə imzalanacaq.

Xatırladaq ki, paraqvaylı yarımmüdafiəçi 2013-2016-cı illərdə "İnter"də (İndiki "Keşlə") çıxış edib. O, son olaraq ölkəmizdə "Zirə"də oynayıb.

Əlavə edək ki, Sezar Meza Kollinin qardaşı Derlis Meza Kolli "Neftçi"nin üzvüdür.