Azərbaycan Gənc Hüquqşünaslar Birliyi Azərbaycan Respublikasının Prezidenti yanında Gənclər Fondunun maliyyə dəstəyi ilə Gənclər təşkilatları arasında Peyntbol idman növü üzrə Çempionat keçirəcək.

Çempionatda Azərbaycan Respublikasında fəaliyyət göstərən gənclər təşkilatları iştirak edə bilərlər.

Çempionatın keçirilməsində əsas məqsəd gənclər arasında hərbi vətənpərvərlik ruhunun artırılması, onların fiziki hazırlıqlarının inkişafına dəstəkdir. Eyni zamanda gənclər peyntbol idman növü vasitəsi ilə asudə vaxtlarını səmərəli istifadə etməklə həmyaşıdlarına vətənpərvərlik sahəsində örnək nümayiş etdirəcəklər.
Nəzərdə tutlan çempionatın Azərbaycan Respublikası Gənclər və İdman Nazirliyi, Milli Olimpiya Komitəsi və Azərbaycan Respublikası Peyntbol Federasiyası ilə sıx əməkdaşlıq ediləcəkdir. Məhz bu məqəsdlə də Gənclər və İdman Nazirliyi və Azərbaycan Respublikasının Peyntbol Federasiyası tərəfindən çempionatın rəsmi əsasnaməsi təsdiq edilmişdir.

Gənclər təşkilatları çempionatda iştirak etmək üçün qeydiyyatdan keçirməlidir. Qeydiyyat proseduru bitdikdən sonra komandalar arasında keçiriləcək püşkatma prosesində komandaların rəqibləri müəyyən ediləcəkdir.

Qalib gələn komanda üzvlərinə diplomlar və qiymətli hədiyyələr təqdim olunacaqdır.

Çempionatda iştirak etmək istəyən gənclər təşkilatları çempionatın təşkilati işlər üzrə kuratoru Maşallah Səfərovla əlaqə saxlaya bilər.
Telefonlar: 012-537-12-24, 070-351-80-20;
Elektron poçt: mashallah.seferli.9898@gmail.com