Yunan-Roma və qadın güləşçilər Sofiyada yarışacaqlar
ESTAFET/ Bugündən etibarən Bolqarıstanın paytaxtı Sofiya şəhərində güləş üzrə 56-cı “Dan Kolov - Nikola Petrov” beynəlxalq turniri start götürür. 25-dək davam edəcək yarışda Yunan-Roma və qadın güləşi üzrə yığma komandamız üzvləri də iştirak edəcək.
Yunan-Roma güləşi üzrə yığma komandanın məşqçisi Nurəddin Rəcəbovun rəhbərliyi altında turnirə Elman Muxtarov (67 kq) və Rəsul Çunayev (72 kq) yollanacaq.
Qadın güləşçilərin mübarizəsində isə Mariya Stadnik (50 kq) və Elis Manolova (68 kq) qüvvələrini sınayacaq.
Görüşlərin idarə edilməsində ölkəmizi beynəlxalq dərəcəli hakim Əbdül Nuriyev təmsil edəcək.
Müəllif: Bəhruz MƏMMƏDOV
