ESTAFET/ Ötən il ilk dəfə keçirilən virtual Formula 1 yarışları bu il də davam edəcək. Aprelin 13-dən etibarən seçim xarakterli online-yarışlar keçiriləcək.

Bu seçimlərdə arzu edən hər kəs iştirak edə bilər. Sadəcə, vacib şərt "Codemasters" şirkəti tərəfindən təqdim olunan Playstation 4, Xbox One və PC oyun platformalarında dəstəklənən F1 2017 oyununun olmasıdır. 

Seçmə yarışların yekununda dünya üzrə 40 oyunçu qalacaq və bu oyunçuları Formula 1 komandaları virtual çempionat üçün öz komandalarına seçəcəklər. Artıq Mercedes, Red Bull, Force India, Williams, Renault, Haas, McLaren, Toro Rosso və Sauber virtual çempionatda iştiraklaşrını təsdiqləyiblər. Çempionatın mükafat fondu 200 min ABŞ dollarıdır.