ESTAFET/ Bu gün futbol üzrə UEFA Çempionlar Liqasının yarımfinal və final mərhələlərinin püşkatma mərasimi keçirilib. UEFA-nın İsveçrənin Nyon şəhərindəki mənzil-qərargahında keçirilən tədbirdə qitənin ən nüfuzlu klub turnirinin 4 iştirakçısı 2 cütlük təşkil edib.

Yarımfinal mərhələsində ilk oyunlar aprelin 24-25-də, cavab görüşləri isə mayın 1-2-də baş tutacaq.

Püşk final matçının nominal meydan sahibini də müəyyənləşdirib. Bu qarşılaşmada meydan sahibi “Bavariya” - “Real” cütünün qalibi olacaq.

UEFA Çempionlar Liqası, 2017/18 mövsümü

Yarımfinal

“Bavariya” (Almaniya) - “Real” (İspaniya)

“Liverpul” (İngiltərə) - “Roma” (İtaliya)

Final

“Bavariya” (Almaniya) - “Real” (İspaniya) cütünün qalibi - “Liverpul” (İngiltərə) - “Roma” (İtaliya) cütünün qalibi