ESTAFET/ Almaniyada Dünya Karate Federasiyasının (WKF) Karate1 Premyer Liqa seriyasından mərhələ yarışlarının Berlin turnirinə start verilib.

Yarışın ilk günü kişilərdə -60, -67, -75 və kata komandaların, qadınlarda isə -50, -55 və fərdi kata yarışlarının mükafatları uğrunda mübarizə aparanlar məlum olacaq. Bu kateqoriyalarda finallar və bürünc medal görüşləri bazar günü keçiriləcək.

Milli komandamızın üzvlərindən Firdovsi Fərzəliyev (-60 kq), Tural Ağalarzadə, Rafiz Həsənov və Hümmət Baxşəliyev (-67 kq), Rafael Ağayev (-75 kq), Nuranə Əliyeva (-50 kq) və İlahə Qasımova (-55 kq) yarışın ilk günü tatamiyə çıxacaq.

Nüfuzlu turnirdə 72 ölkədən 763 idmançı iştirak edir.