Ukrayna Super Kubokunun qalibi bəlli oldu
ESTAFET/ Futbol üzrə Ukrayna Super Kubokunun yeni qalibi müəyyənləşib. Həlledici oyunda geridə qalan mövsümü “qızıl dubl”la başa vuran Donetsk “Şaxtyor”u ilə Ukrayna çempionatında gümüş medal qazanmış Kiyev “Dinamo”su üz-üzə gəlib.
Odessada baş tutan qarşılaşmada hesabı Donetsk təmsilçisi açıb. Amma qalan dəqiqələrdə ardıcıl iki qol vuran paytaxt klubu əzəli rəqibi üzərində əzmkar qələbə (2:1) sayəsində Super Kuboka sahib çıxıb.
“Dinamo” bu zəfəri sayəsində həm də “Şaxtyor”a çatıb. Artıq hər iki klubun muzeyində eyni sayda (8) Super Kubok var.
