ESTAFET/ 23-25 avqust tarixlərində Türkiyənin Rizə şəhərində uşaqlar, yeniyetmələr, gənclər, böyüklər və veteranlar arasında Qaradəniz və Xəzəryanı ölkələrin növbəti karate çempionatı keçiriləcək. Əsasnaməyə görə 7, 8 və 9 yaşlı idmançılar yalnız fərdi və komanda kata yarışlarında çıxış edəcək. Rizə Kapalı Spor Salonunda keçiriləcək yarışda 10 yaşdan yuxarı idmançılar isə həm fərdi kata və kumite, həm də komanda kata və kumite yarışlarında mübarizə aparacaqlar.

Xatırladaq ki, təşkilatın çempionatı son üç ildə iki dəfə Sumqayıt və Bakıda keçirilib. Bu təşkilata, Dünya Karate Federasiyasının (WKF) tərkibinə Azərbaycanla birgə, region dövlətlərindən Türkiyə, Bolqarıstan, Rumıniya, Rusiya, Ukrayna, Gürcüstan, Ermənistan, İran, Qazaxıstan, Türkmənistan və Özbəkistan karate federasiyaları daxildir.

Cari turnirə 9 ölkədən, 55 bölgəni təmsil edən 157 klubun trəkibində 1372 idmançı qatılacaq. Yarışda 156 Azərbaycan karateçilsi iştirak edəcək. Resublikanıın şhər və rayonlarından müxtəlif yaşlı idmançılar, hakimlər və məçqşilərdən ibarət geniş tərkibli heyət, AMKF-in dəstəyi ilə turnirə yola düşüb. Qaradəniz və Xəzəryanı Ölkələr Karate Federasiyaları təşkilatının rəhbəri Yaşar Bəşirov, eləcə də yerli və iştirakçı karate federasiyalarının rəsmiləri təntənəli açılış mərasimində iştirak edəcək.