PARIS GRAND SLAM 2017
ESTAFET/ Bu gün cüdo üzrə ilin ilk Böyük Dəbilqə seriyasından olan turnirin ikinci - sonuncu günü keçirilir. 8 cüdoçu ilə Parisə yollanan millimiz sonda tatami üzərinə 7 jüdoçu ilə çıxıb. Buna səbəb 90 kq şəki dərəcəsində mübarizə aparacaq Məmmədəli Mehdiyevin güləşməməsi olub.
Bu gün mübarizəyə qoşulan 3 cüdoçumuz ilk görüşlərindən məğlub olaraq mübarizəni dayandırıblar. Elmar Qasımov, Elxan Məmmədov (hər ikisi 100 kq) və Uşangi Kokauri (+100 kq) müvafiq olaraq, Jorje Fonseka (Portuqaliya), Kentaro İida (Yaponiya) və Kyeonqti Kimə (C.Koreya) məğlub olublar.
