ESTAFET/ Formula 1 komandası "Mercedes"in rəhbəri Toto Volf BBC kanalına bir sıra maraqlı açıqlamalar verib. O, qarşıdakı mövsümdə mübarizəyə qoşulan komandaların hər birindən çəkindiklərini bildirib və 2009-cu ildə baş verənləri xatırladıb - "Qayda dəyişikliklərindən sonra hamıdan qorxmaq lazımdı. 2009-cu ildə heç kim gözləmirdi ki, Braun titula iddialı olacaq. Buna görə də biz hamını izləyirik. Hər kəsin şansı var".

Fernando Alonsonun komandaya gətiriləcəyi ilə bağlı yayılan xəbərləri isə təkzib eədərk bildirib ki, komandanın heç vaxt belə bir planı olmayıb.

Daha bir maraqlı açıqlama isə komandaya yeni qoşulan pilot Valtteri Bottas ilə Lyuis Xemilton arasındakı münasibətlər haqqında olub. Komanda rəhbəri bildirib ki, bu iki pilot arasında yaxşı münasibətlərin olacağına ümid etmir - "Mən Valtterini hesabdan silmək istəmirəm. Lakin Xemiltonun komandada olan təcrübəsini nəzərə alsaq, yeni pilotumuz üçün çox çətin olacaq. Lyuis Nikodan məğlubiyyət alıb və indi yaxşı əhval-ruhiyyədədi, ancaq geridönüş haqda düşünür. Əla motivasiya olub. Gözləmirəm ki, Xemiltonla Bottas arasında yaxşı münasibət olacaq".