Dabodan 20-ci qol
ESTAFET/ Baqali Dabo “Neftçi”nin heyətində 20-ci qolunu vurub. Bu, futbol üzrə Azərbaycan Premyer Liqasının XV turunun “Sumqayıt”la ev oyununa (1:1) təsadüf edib.
Paytaxt təmsilçisində ikinci mövsümünü keçirən Baqali “20”yə 44-cü matçında çatıb. Onun orta məhsuldarlığı 0,45-ə bərabərdir. Dabo ötən mövsüm 30 oyunda 16, cari mövsümdə 14 matçda 4 dəfə rəqib qapısına yol tapıb. Premyer Liqada 36 qarşılaşmada 18 dəfə fərqlənən forvard 4 avrokubok matçında 2 dəfə qol sevinci yaşayıbsa, 4 kubok oyununda hesabını aça bilməyib.
