"BÖYÜK DƏBİLQƏ"NİN PÜŞKÜ ATILDI
ESTAFET/ Bu gün “Hyatt Regency” otelinin Quba zalında Ümummilli lider Heydər Əliyev adına cüdo üzrə “Böyük Dəbilqə" beynəlxalq yarışın püşkatma mərasimi keçirilib. Tədbirdə Beynəlxalq Cüdo Federasiyasının rəsmiləri, Azərbaycan Cüdo Federasiyasının vitse-prezidenti Sadıq Sadıqov, baş katib Elmar Babanlı və İcraiyyə Komitəsinin üzvü, olimpiya çempionu Nazim Hüseynov iştirak ediblər.
“Böyük Dəbilqə" yarışı 10-12 mart tarixində keçiriləcək. Açılış mərasimi sabah saat 16:00-da, final görüşləri isə 17:00-da baş tutacaq.
