Məğlubedilməz boksçu vəfat edib
ESTAFET/ “Boxingscene” nəşrinin məlumatına görə, 21 yaşlı boksçu Havyer Qonsales vəfat edib. Gənc və perspektivli Meksika idmançısının ölümünə onkoloji xəstəlik səbəb olub. 2019-cu ildə onun boynunda və qasıq sümüyünün limfatik düyünlərində şişlər aşkar edilib.
Qonsales peşəkar rinqdə 15 döyüş keçirib və bütün görüşləri qələbə ilə başa vurmuşdu.
Havyer Qonsales həmçinin üç dəfə Meksika çempionu olub. Yüngül çəkidə çıxış edən idmançı boksla məşğul olduğu illər ərzində 180-dən çox həvəskar döyüşdə iştirak edib.
