YENİYETMƏLƏRİN DÜNYA ÇEMPİONATI - II GÜNÜN NƏTİCƏLƏRİ
ESTAFET/ Banqkokda (Tayland) ağırlıqqaldırma üzrə yeniyetmələr arasında 7-ci Dünya çempionatı davam edir.
Çempionatın ikinci yarış günündə oğlanlar 56 kq, qızlar isə 48 kq çəki dərəcəsində mübarizəyə qoşulub. Çəki dərəcələrinin mükafatçılarını sizlərə təqdim edirik.
OĞLANLAR: 56 KQ
| № | İdmançı | Ölkə | Birdən | Təkan | Toplam |
| 1 | Maoran Çen | CHN | 106 | 135 | 241 |
| 2 |
Lalrinnunqa Jeremi |
IND | 110 | 130 | 240 |
| 3 | Caner Toptaş | TUR | 109 | 128 | 237 |
Bu çəki dərəcəsində Dünya çempionatında Azərbaycan iki atletlə təmsil olunurdu - Elməddin Hüseynov və İsmayıl Məmmədov. Hər iki təmsilçimiz B qrupunda mübarizə aparıb. Elməddin toplamda 219 kq (94+125) çəki ram etməklə Çempionatı 8-ci, İsmayıl isə 209 kq (94+114) ağırlığı qaldırmaqla 16-cı sırada bitirib. Vurğulamaq lazımdır ki, hər iki atletimiz keçən ilki Avropa çempionatında göstərdikləri şəxsi nəticələrini yüksəldib. Belə ki, İsmayıl Polşadakı toplam 174 kq (81-93) nəticəsini 35 kq, Elməddin isə 194 kq (84+110) nəticəsini 25 kq yaxşılaşdırıb.
QIZLAR: 48 KQ
| № | İdmançı | Ölkə | Birdən | Təkan | Toplam |
| 1 | Jonq Sim Han | PRK | 79 | 102 | 181 |
| 2 | Si He | CHN | 81 | 98 | 179 |
| 3 | Çotima Buçatturat | THA | 68 | 90 | 158 |
