ESTAFET/ Futbol üzrə UEFA Millətlər Liqasının oyunları davam edir. Bu gün II turun daha 8 oyunu keçiriləcək.

Günün mərkəzi matçında Niderland İtaliya üz-üzə gələcək. A liqasının 1-ci qrupunun digər görüşündə isə Bosniya və Herseqovina Polşanı qəbul edəcək.

B liqasının 1-ci qrupunda Avstriya Rumıniyanı, Şimali İrlandiya Norveçi sınağa çəkəcək. 2-ci qrupda Çexiya Şotlandiyanı, İsrail Slovakiyanı məğlub etməyə çalışacaq. Düzdür, iki nümayəndəsində koronavirus aşkarlanan Çexiya millisinin görüşünün təxirə salınması gündəmdə idi. Lakin sonda qarşılaşmanın keçirilməsinə qərar veriib.

C liqasının 4-cü qrupunda turnirə qələbə ilə başlayanlar ev matçına çıxacaq. Qazaxıstan Belarusu, Albaniya Litvanı qonaq edəcək.

Qeyd edək ki, II tura sentyabrın 8-də yekun vurulacaq.

UEFA Millətlər Liqası
II turun oyunları
7 sentyabr 2020

A liqası, 1-ci qrup
22:45. Bosniya və Herseqovina – Polşa
22:45. Niderland – İtaliya

B liqası, 1-ci qrup
22:45. Avstriya – Rumıniya
22:45. Şimali İrlandiya – Norveç

B liqası, 2-ci qrup
22:45. Çexiya – Şotlandiya
22:45. İsrail – Slovakiya

C liqası, 4-cü qrup
18:00. Qazaxıstan – Belarus
22:45. Albaniya – Litva