ROSBERQ BOTTASI TƏBRİK ETDİ
ESTAFET/ "Mercedes"in keçmiş pilotu, Formula 1 üzrə son Dünya çempionu Niko Rosberq komandanın yeni pilotu Valtteri Bottasın karyerasındakı debüt pouluna biganə qalmayıb. Qeyd edək ki, Bottas poulu Bəhreyn Qran-Prisinin bugünkü təsnifatında qazanıb.
Alman pilot öz Twitter səhifəsində Bottası və "Mercedes" komandasını təbrik edib: "Valtteri Bottası ilk poulu münasibətilə təbrik edirəm. Əla dövrə idi. Mercedesdə olan hər kəs üçün şadam və sevinirəm ki, Valtteridə hər şey yaxşı gedir".
