GİMNASTLARIMIZ YAPONİYADA ÇIXIŞ EDİBLƏR
ESTAFET/ Azərbaycan Gimnastika Federasiyasının məlumatına görə, ötən həftə Tokioda (Yaponiya) aerobika gimnastikası üzrə “SUZUKI WORLD CUP” yarışı keçirilib.
Turnirdə üçlük olaraq çıxış edən gimnastlarımız Elçin Məmmədov, İmran İmranov və Emil Quliyev 18.050 xalla 10-cu yerdə qərarlaşıblar.
Digər gimnastımız Vladimir Dolmatov kişilərin fərdi yarışında 20.150 xal toplayaraq 9-cu, komanda yoldaşı Nərminə Hüseynova ilə bərabər qarışıq cütlük proqramında isə 12-ci yerlə (17.600) kifayətləniblər.
